العدس ابو جبه باللحمه المفرومه
العدس ابو جبه باللحمة المفرومه هي إحدى الأكلات التي يحبها الكثيرون، وهي غنية بالعناصر الغذائية المفيدة التي يحتاجها جسمك. إليك طريقة عمل العدس ابوجبة باللحمه المفرومه
المقادير
نصف كيلو عدس ابوجبه
نصف كيلو لحمة مفرومه
ثلاث حبه بصل مقطع
3 فص ثوم مقطع
5 حبه طماطم معصوره
4 معلقه كبيره زيت زيتون
مكعب مرقه دجاج
نصف معلقه صغيره فلفل اسود
نصف معلقه كبيره كمون
نصف معلقه كبيره كزبره
ربع معلقه صغيره ملح
2 كوب ماء دافىء
طريقة التحضير
بسم الله نضع حله على النار تسخن ونضيف أربع معلقه من زيت الزيتون وعليه البصل ونقلب لحد مايبقا لونه ذهبي وبعدين نضيف اللحمة ونفضل نقلب فيها لحد مايتغير لونها وبعدين نضيف الثوم ونقلب لمده خمس دقائق نغسل العدس ونضيفه على اللحمة وبعدين الطماطم ومكعب المرقه وبهارات ورشه الملح ونقلبهم مع بعض هنضيف كوب واحد بس من الماء واول مايغلى العدس نهدى النار عشان يستوي كويس وكل شويه نبص عليه طبعاً هيتشرب الماء نضيف عالطول الكوب التاني ولو احتاج ماء اكتر من الكوبين نضيف ليه لحد مايستوي و نغرف في طبق التقديم، حلو جداً في فصل الشتاء وبيدفىء من البرد وطعم جديد ومختلف. بالهنا والشفا عليكم